பிரபல கவர்ச்சி நடிகை ஜோதிலட்சுமி மரணம்
தென்னிந்திய மொழிகள் மட்டுமின்றி இந்தி படங்களிலும் ஒரு காலத்தில் கொடிகட்டி பறந்த பிரபல திரைப்பட கவர்ச்சி நடிகை ஜோதிலட்சுமி உடநலக்குறைவால் இன்று சென்னையில் காலமானார். அவருக்கு வயது 68
1963ஆம் ஆண்டு எம்.ஜி.ஆர் நடித்த பெரியஇடத்துப் பெண் என்ற திரைப்படத்தின் மூலம் திரையுலகிற்கு அறிமுகமானவ ஜோதிலட்சுமி அதன் பின்னர் எம்.ஜி.ஆர், சிவாஜி, கமல், ரஜினி, விக்ரம், விஜய், அஜித், உள்ளிட்ட பல பிரபலங்களுடன் திரைப்படங்களில் கவர்ச்சி வேடங்கள் ஏற்று நடித்திருக்கிறார். முத்து, சேது ஆகிய படங்கள் ஜோதிலட்சுமியின் குறிப்பிடத்தக்க தமிழ் படங்கள் ஆகும்.
நடனம் மற்றும் நடிப்பில் திறமையானவராக விளங்கிய ஜோதிலட்சுமி பிரபல கவர்ச்சி நடிகை ஜெயமாலினியின் சகோதரி என்பது குறிப்பிடத்தக்கது.
