சிம்புவின் பாடலை வெளியிடுகிறார் சேவாக்
கடந்த சில ஆண்டுகளுக்கு முன்புவரை இந்திய கிரிக்கெட் அணியில் அதிரடி பேட்ஸ்மேனாக இருந்த சேவாக், இன்று மாலை சிம்பு பாடிய ஒரு பாடலை வெளியிடவுள்ளார்.
இந்தியன் பிரிமியர் லீக் போலவே, தமிழ்நாடு பிரிமியர் லீக் போட்டிகள் விரைவில் தொடங்கவுள்ளது. இதற்காக எட்டு அணிகள் தேர்வு செய்யப்பட்டுள்ளது.
அதில் ஒரு அணிதான் ‘மதுரை சூப்பர் ஜெயண்ட்ஸ்’. இந்த அணிக்காக பிரபல இசையமைப்பாளர் தமன் இசையில் சிம்பு மற்றும் அருண்காமராஜ் பாடிய பாடல் ஒன்று உருவாக்கப்பட்டுள்ளது.
ஆட்டைக்கு ‘ரெடியா’ என்று தொடங்கும் இந்த பாடல் இளைஞர்களை பெரிதும் கவரும் என எதிர்பார்க்கப்படுகிறது
இந்த பாடலை சென்னையில் உள்ள ஒரு ஸ்டார் ஓட்டலில் சேவாக் வெளியிடவுள்ளார்.
இந்த பாடல் விழா நிகழ்ச்சியில் மேலும் சில கிரிக்கெட் வீரர்களும், திரையுலகினர்களும் கலந்து கொள்ளவுள்ளனர்.
