டி.ராஜேந்தருக்கு விஜய்சேதுபதி வில்லனா? கே.வி.ஆனந்த் தகவல்
பிரபல இயக்குனர் கே.வி.ஆனந்த், ‘அனேகன்’ படத்திற்கு பின்னர் விஜய்சேதுபதி, டி.ராஜேந்தர் ஆகிய இருவரும் நடித்து வரும் திரைப்படம் ஒன்றை இயக்கி வருகிறார். பெரும்பாலான ஊடகங்கள் இந்த படத்தில் டி.ராஜேந்தர் வில்லனாக நடித்து வருவதாக செய்திகள் வெளிவந்து கொண்டிருக்கும் நிலையில் இருவரின் கேரக்டர் குறித்து கே.வி.ஆனந்த் சமீபத்தில் பேட்டி ஒன்றை அளித்துள்ளார்.
இந்த படத்தில் டி.ராஜேந்தர், விஜய்சேதுபதி ஆகிய இருவருடைய கேரக்டர்களுமே நெகட்டிவ், பாசிட்டிவ் ஆகிய இரண்டும் கலந்தது என்றும் கிளைமாக்ஸில் நீங்கள் எதிர்பாராத ஒருவர் வில்லனாக இருப்பதை ஆடியன்ஸ் அறிந்து கொள்வார்கள் என்றும் கூறியுள்ளார்.
இதில் இருந்து இந்த படத்தில் விஜய்சேதுபதிதான் வில்லனாக இருக்க வாய்ப்பு உள்ளதாக செய்திகள் கூறுகின்றன. காதலும் கடந்து போகும்’ படத்தில் விஜய்சேதுபதிக்கு ஜோடியாக நடித்த மடோனா செபாஸ்டியன் மீண்டும் இந்த படத்தில் விஜய்சேதுபதிக்கு ஜோடியாக நடித்து வருகிறார். ஹாரீஸ் ஜெயராஜ் இந்த படத்திற்கு இசையமைத்து வருகிறார்.,
