அஜித், விஜய் பாணியில் சூர்யாவின் அடுத்த படம்
அஜித் நடித்த வேதாளம், விஜய் நடித்த ‘திருப்பாச்சி’ ஆகிய இரண்டு படங்களுமே தங்கை செண்டிமெண்ட் கொண்ட படம். தங்கையின் நல்வாழ்விற்காக பெரிய வில்லன்களுடன் ஹீரோ மோதும் ஆக்சன் கதை.
இந்த கதை இருவருக்குமே நன்றாக செட் ஆனதால் இதே பாணியில் சூர்யாவின் அடுத்த படம் அமையவுள்ளது. சிங்கம் 3 படத்தை அடுத்து சூர்யா நடிக்கவுள்ள படத்தை கொம்பன் முத்தையா இயக்கவுள்ளார். இந்த படம் அண்ணன் – தங்கை செண்ட்மெண்ட் கதை என்றும் கிராமிய பின்னணியில் உருவாகும் இந்த படம் நிச்சயம் சூர்யாவை அடுத்த லெவலுக்கு கொண்டு செல்லும் என்றும் கூறப்படுகிறது.
இந்த படத்தில் சூர்யாவுக்கு ஜோடியாக கீர்த்திசுரேஷ் நடிப்பார் என்று எதிர்பார்க்கப்படும் நிலையில் தங்கை கேரக்டரில் நடிக்க பெரிய நடிகை ஒருவரிடம் பேச்சுவார்த்தை நடத்தப்பட்டு வருவதாகவும் மிக விரைவில் இதுகுறித்த தகவல் வெளிவரும் என்றும் கூறப்படுகிறது.
