ரஜினி இடத்தை பிடித்தார் சிவகார்த்திகேயன்
சிவகார்த்திகேயன் நடித்த ‘ரெமோ’ படத்தின் டிரைலர் நேற்று வெளியாகி பெரும் பரபரப்பை ஏற்படுத்தியுள்ளது. இந்த டிரைலரின் முதல் காட்சியில் சத்யம் திரையரங்கில் உள்ள ‘கபாலி’ படத்தின் பிரமாண்டமான பேனரை பார்த்து ‘நம்ம பேனரும் ஒருநாள் இதே இடத்தில் இருக்கணும்’ என்று ஒரு வசனம் பேசுவார்.
இந்த வசனம் பேசி ஒருநாள் கூட முழுதாக ஆகவில்லை. இன்று ‘கபாலி’ பேனர் தூக்கப்பட்டு தற்போது ‘ரெமோ’ சிவகார்த்திகேயன் பேனர் அந்த இடத்தில் உள்ளது. திரையுலகில் ரஜினி இடத்தை பிடிப்பது யாராலும் முடியாது என்றாலும் ரஜினியின் பேனர் இருந்த இடத்தையாவது சிவகார்த்திகேயன் பிடித்துள்ளார் என்பது குறிப்பிடத்தக்கது.
மேலும் சிவகார்த்திகேயன் இந்த படத்தில் நடிகராக நடித்துள்ளார் என்றும் அவர் நடிக்கும் படத்தில் அவருக்கு நர்ஸ் வேடம் என்பதும் நேற்று வெளியான டிரைலரில் இருந்து தெரிய வந்துள்ளது.
