சூர்யாவின் வீட்டில் நடந்த ‘தானா சேர்ந்த கூட்டம்’ படத்தின் பூஜை
சூர்யா நடிப்பில் ஹரி இயக்கியுள்ள ‘எஸ் 3’ படத்தின் படப்பிடிப்பு முடிவடைந்ததை அடுத்து விக்னேஷ் சிவன் இயக்கத்தில் சூர்யா நடிக்கவுள்ள ‘தானா சேர்ந்த கூட்டம்’ படத்தின் பூஜை இன்று சூர்யாவின் இல்லத்தில் எளிமையாக நடைபெற்றது.
இந்த பூஜையில் சூர்யா, விக்னேஷ் சிவன், கார்த்தி, ஞானவேல்ராஜா உள்பட பலர் கலந்து கொண்டனர். மேலும் இந்த படத்தின் படப்பிடிப்பு இம்மாதம் 12ஆம் தேதி முதல் சென்னையில் தொடங்கவுள்ளதாக படக்குழுவினர் அறிவித்துள்ளனர்.
இந்த படத்தில் சூர்யா லேசான தாடி மீசை கெட்டப்புடன் நடிக்கவுள்ளதாகவும், இதுவரை அவர் முகத்தில் காணப்பட்ட ‘சிங்கம்’ மீசை தற்போது இல்லை என்பதும் குறிப்பிடத்தக்கது.
சூர்யாவுடன் கீர்த்திசுரேஷ், ஆர்.கே.பாலாஜி மற்றும் சிறப்பு தோற்றத்தில் நயன்தாரா நடிக்கவுள்ள இந்த படத்திற்கு அனிருத் இசையமைக்கின்றார். ஸ்டுடியோக்ரீன் ஞானவேல்ராஜா இந்த படத்தை தயாரிக்கின்றார்.
