சூர்யாவின் அடுத்த படத்தில் பிரபல நடிகையின் முன்னாள் கணவர்
சூர்யா நடித்த ‘எஸ் 3’ படத்தின் படப்பிடிப்பு முடிவடைந்து தற்போது டப்பிங் பணிகள் நடந்து கொண்டிருக்கும் நிலையில் அவர் நடிக்கவுள்ள அடுத்த படமான ‘தானா சேர்ந்த கூட்டம்’ திரைப்படத்தின் படப்பிடிப்பு இந்த வாரம் தொடங்கவுள்ளது. இந்த படத்தை பிரபல இயக்குனர் விக்னேஷ் சிவன் இயக்கவுள்ளார்.
சூர்யா, கீர்த்திசுரேஷ் நடிக்கும் இந்த படத்தின் முக்கிய கேரக்டரில் நடிக்க சுரேஷ் மேனன் ஒப்பந்தம் செய்யப்பட்டுள்ளார். இவர் பிரபல நடிகை ரேவதியின் முன்னாள் கணவர் என்பது குறிப்பிடத்தக்கது.
புதிய முகம்’ என்ற படத்தில் நடித்துள்ள சுரேஷ்மேனன், அரவிந்தசாமி நடித்த பாசமலர்கள் என்ற படத்தை இயக்கியும் உள்ளார். இந்த படத்தில் மட்டுமின்றி ஜி.வி.பிரகாஷ் நடிக்கவுள்ள 4G என்ற படத்திலும் சுரேஷ் மேனன் நடிக்கவுள்ளார் என்பது குறிப்பிடத்தக்கது
