மீண்டும் விஜய் படத்திற்கு இசையமைக்கும் ஏ.ஆர்.ரஹ்மான்
இளையதளபதி விஜய் நடித்து வரும் ‘பைரவா’ படத்தின் படப்பிடிப்பு வரும் 10ஆம் தேதியுடன் முடிவடையவுள்ள நிலையில் விஜய்யின் அடுத்த படத்தின் படப்பிடிப்பு தொடங்கும் நாள் விரைவில் அறிவிக்கப்படவுள்ளது.
ஸ்ரீதேனாண்டாள் பிலிம்ஸ் நிறுவனம் தயாரிக்கவுள்ள இந்த படத்தை அட்லி இயக்கவுள்ளார். விஜய்க்கு ஜோடியாக நயன்தாரா நடிக்கவுள்ளதாக கூறப்படும் இந்த படத்தின் இசையமைப்பாளர் ஜி.வி.பிரகாஷ்தான் என கடந்த சில நாட்களுக்கு முன் தகவல்கள் வெளிவந்தது.
ஆனால் தற்போது வெளிவந்துள்ள புதிய தகவலின்படி இந்த படத்திற்கு ஏ.ஆர்.ரஹ்மான் இசையமைக்கவுள்ளதாகவும், இதுகுறித்து அட்லி-ரஹ்மான் பேச்சுவார்த்தை நடந்து வருவதாகவும் மிகவிரைவில் இதுகுறித்த அறிவிப்பு வெளிவரும் என்றும் கூறப்படுகிறது.
ஏற்கனவே விஜய் நடித்த ‘அழகிய தமிழ்மகன்’ மற்றும் ‘உதயா’ ஆகிய படங்களுக்கு ஏ.ஆர்.ரஹ்மான் இசையமைத்துள்ளார் என்பது குறிப்பிடத்தக்கது.
