ஓபிஎஸ்-ஐ அடுத்து போயஸ் தோட்டம் சென்ற தம்பிதுரை
நாடாளுமன்ற துணை சபாநாயகரும், அதிமுக பிரமுகருமான தம்பித்துரை போயஸ் தோட்டத்து இல்லத்திற்கு சசிகலாவை சந்திக்க சென்றுள்ளதாக செய்திகள் வெளிவந்துள்ளது.
நேற்று முதல்வர் பன்னீர்செல்வம் போயஸ் தோட்டம் சென்று சசிகலாவிடம் ஆலோசனை நடத்தியதாக செய்திகள் வெளிவந்த நிலையில் இன்று தம்பிதுரை சசிகலாவை சந்திக்க விரைந்துள்ளார்.
அதிமுக பொதுச்செயலாளர் பதவி குறித்து இருவரிடமும் சசிகலா ஆலோசித்திருக்கலாம் என்று கருதப்படுகிறது. இருப்பினும் பெரும்பாலான அதிமுக தொண்டர்கள் சசிகலா பொதுச்செயலாளர் ஆவதை விரும்பவில்லை என்று சமூகவலைத்தளங்களில் பதிவு செய்யப்படும் கருத்துக்களில் இருந்து தெரிய வருகிறது.
