ஜம்மு காஷ்மீரில் இருவேறு இடங்களில் நடைபெற்ற துப்பாக்கிச்சண்டையில் இரண்டு பயங்கரவாதிகள் பாதுகாப்பு படையினரால் சுட்டுக்கொல்லப்பட்டனர்.
அனந்த்நாக் மாவட்டத்திற்குட்ப்பட்ட பீவரா பகுதியில் இன்று காலை ரோந்து பணியில் ஈடுபட்டிருந்த பாதுகாப்பு படை மீது பயங்கரவாதிகள் துப்பாக்கிச்சூடு நடத்தினர். இதற்கு பாதுகாப்பு படை கொடுத்த பதிலடியில் ஒரு பயங்கரவாதி கொல்லப்பட்டான். சுட்டுக்கொல்லப்பட்ட பயங்கரவாதியின் பெயர் பாசித் அகமது தார் என்பது தெரியவந்துள்ளது. இவன் அண்மையில் தான் ஹிஸ்புல் முஜாகீதின் பயங்கரவாத இயக்கத்தில் சேர்ந்தவன் என்பது குறிப்பிடத்தக்கது.
பாராமுல்லா மாவட்டத்தின் பூமாய் பகுதியில் நடைபெற்ற துப்பாக்கிச்சண்டையில் ஒரு பயங்கரவாதி சுட்டுக்கொல்லப்பட்டான். சுட்டுக்கொல்லப்பட்ட பயங்கரவாதி வெளிநாட்டைச்சேர்ந்தவன் என்று பாதுகாப்பு படை தரப்பில் கூறப்படுகிறது. லஷ்கர் இ தொய்பா இயக்கத்தின் மூத்த தளபதி என்றும் தகவல் வெளியாகியுள்ளது.
