சசிகலா தலைமையை ஏற்க மறுப்பு. திமுகவில் இணைகிறாரா நாஞ்சில் சம்பத்?
அதிமுகவில் இருந்து கடந்த சில மாதங்களாக ஒதுங்கியிருந்த அதிமுகவின் தலைமைக் கழக பேச்சாளளர் நாஞ்சில் சம்பத் விரைவில் திமுகவில் இணைய உள்ளதாக திமுக வட்டாரத்தில் இருந்து தகவல்கள் வெளிவந்துள்ளது.
மதிமுகவில் கொள்கைபரப்புச் செயலாளராக இருந்த நாஞ்சில் சம்பத் கடந்த நான்கு ஆண்டுகளுக்கு முன் அதிமுகவில் இணைந்தார். அவருக்கு கொள்கைபரப்பு துணைச் செயலாளர் பதவியை மறைந்த முன்னாள் முதல்வர் ஜெயலலிதா அளித்தார்.
இந்நிலையில், அப்போலோவில் ஜெயலலிதா சேர்க்கப்பட்டதில் இருந்து, அதிமுகவில் இருந்து ஒதுங்கத் தொடங்கிய நாஞ்சில் சம்பத் சசிகலாவின் தலைமைக்கு ஆதரவு தெரிவிக்க மறுத்துவிட்டதாக கூறப்படுகிறது.
இந்நிலையில் திமுகவின் முக்கிய புள்ளிகள் நாஞ்சில் சம்பத்தை சந்தித்ததாகவும், இதனையடுத்து அவர் விரைவில் திமுகவில் சேரவுள்ளதாகவும் கூறப்படுகிறது. அனேகமாக பொங்கல் தினத்தில் திமுகவில் நாஞ்சில் சம்பத் சேரலாம் என்று எதிர்பார்க்கப்படுகிறது.
