உலக தமிழர்களுக்கு கனடா பிரதமர் கூறிய பொங்கல் வாழ்த்துய்
தமிழர் திருநாளாம் பொங்கல் திருவிழா தமிழகத்தில் மட்டுமின்றி உலகம் முழுவதும் கொண்டாடப்பட்டு வரும் நிலையில் கனடா பிரதமர் ஜஸ்டின் டுருடோ தமிழர்களுக்கு பொங்கல் நல்வாழ்த்து கூறினார். மேலும் அவர் கடந்த இரண்டு ஆண்டுகளுக்கு முன் பொங்கல் நிகழ்ச்சி ஒன்றில் கலந்து கொண்டு சிலம்பம் சுற்றிய புகைப்படம் தற்போது வைரலாக பரவி வருகிறது.
கனடா பிரதமர் ஜஸ்டின் டுருடோ தனது பொங்கல் வாழ்த்து அறிக்கையில் கூறியிருப்பதாவது: ‘வணக்கம். கனடாவாழ் தமிழர்களும், உலகம் முழுவதும் உள்ள தமிழர்களும் தங்கள் அன்புக்குரியவர்களுடன் சேர்ந்து தைப்பொங்கலை கொண்டாடுகின்றனர்.
இந்த பொங்கல் விசேஷ அர்த்தமும், பாரம்பரியமும் கொண்டது. இப்பண்டிகை, அமைதியும், மகிழ்ச்சியும் நிறைந்தது. கனடாவாழ் தமிழர்கள் இந்த நாட்டை வலிமையான, வளமான நாடாக ஆக்கியவர்கள். அவர்களுக்கு பொங்கல் வாழ்த்துகள்’ என்று அவர் வாழ்த்து தெரிவித்துள்ளார்.
