அலங்கா’நல்லூருக்காக குரல் கொடுத்த இலங்கை நல்லூர் தமிழர்கள்
அலங்காநல்லூரில் ஜல்லிக்கட்டு நடத்த வேண்டும் என்று இலங்கையில் உள்ள நல்லூர் தமிழர்கள் போராட்டம் நடத்தினர். ஜல்லிக்கட்டு போராட்டம் தமிழகம் முழுவதும் மட்டுமின்றி தற்போது உலகில் எங்கெங்கெல்லாம் தமிழர்கள் இருக்கின்றார்களா, அங்கேயெல்லாம் போராட்டம் நடைபெற்று வருகிறது. தமிழ் கலாச்சாரத்தை காப்பாற்றுவதற்காக உலகம் முழுவதும் ஒன்றுசேர்ந்து நடைபெறும் முதல் போராட்டமாக இந்த போராட்டத்தை பார்க்க முடிகிறது.
இலங்கை நல்லூரில் ஜல்லிக்கட்டுக்கு ஆதரவாக போராட்டம் நடத்தி வரும் தமிழர்களின் குழுத்தலைவர் கூறியபோது, ‘தமிழின மரபு விளையாட்டான ஜல்லிக்கட்டு மீதான தடையை அந்நாட்டு நீதித்துறை நீக்க வேண்டும். அங்கே மாணவர்கள் கிளர்ந்தெழுந்து போராடிக் கொண்டிருக்கின்றார்கள். முத்துக்குமார் உட்பட பலர் ஈழத்தமிழர்களாகிய நாம் ஈழத்தில் உரிமைகளுடன் வாழவேண்டும் என வலியுறுத்தி தம் இன்னுயிரையே கொடுத்திருந்தார்கள். இன்று அவர்களின் மரபின் மீது அடக்குமுறை விதிக்கப்படுவதனை எவ்வகையிலும் ஏற்றுக்கொள்ள முடியாது. அவர்களுக்கு ஆதரவாக நாம் நிற்க வேண்டிய தேவை உள்ளது. அதனால் தான் இந்தப் போராட்டம் தற்போது முன்னெடுக்கப்பட்டது என்று கூறினார்.
