சமுக இணையதளமான டுவிட்டரில் சூப்பர் ஸ்டார் ரஜினிகாந்த் முதல்முறையாக இன்று காலை இணைந்தார். அவர் டுவிட்டரில் இணைந்த தகவல் தெரிந்தவுடன் இணைய பயனாளிகள் போட்டி போட்டுக்கொண்டு அவர் டுவிட்டர் தளத்தினை ஃபாலோ செய்ய ஆயிரக்கணக்கில் வந்தனர். காலையில் ஆரம்பித்த டுவிட்டர் கணக்கில் இரவு 10 மணிக்குள் 1 லட்சத்து 36 ஆயிரம் ஃபாலோயர்கள் இணைந்து சாதனை படைத்துள்ளது ரஜினியின் டுவிட்டர் தளம்.
வெறும் 12 மணிநேரத்தில் ஒரு லட்சத்திற்கு மேல் ஃபாலோயர்கள் இதுவரை எந்தவொரு இந்தியர் டுவிட்டர் தளத்திற்கும் ஃபாலோயர்கள் கிடைக்கவில்லை என்பது குறிப்பிடத்தக்கது. டுவிட்டரில் தன்னுடைய தளத்தை ஃபாலோயர் செய்த அனைவருக்கும் ரஜினிகாந்த் நன்றி தெரிவித்துள்ளார்.
இன்னும் நான்கு நாட்களில் கோச்சடையான திரைப்படம் ரிலீஸ் ஆகவுள்ள நிலையில் தமிழகத்தை மட்டுமின்றி உலகம் முழுவதையும் தன்னைப்பற்றி பேசவைத்து சாதனை செய்துவிட்டார் ரஜினி. டுவிட்டர் டிரெண்ட்ஸ் பகுதியில் ரஜினியின் பெயரும் இடம்பெற்றுள்ளது என்பது குறிப்பிடத்தக்கது.
தன்னுடைய டிஜிட்டல் பயணத்திற்கு ஆதரவு கொடுத்த அனைத்து ரசிகர்களுக்கும் வணக்கம் என டுவிட்டரில் ரஜினி தனது ரசிகர்களுக்கு நன்றி தெரிவித்துள்ளார்.
