வாகை சூடவா, சென்னையில் ஓர் நாள் மற்றும் நான் சிகப்பு மனிதன் ஆகிய படங்களில் நடித்த நடிகை இனியாவின் திருவனந்தபுரம் வீட்டில் நேற்று கொள்ளை நடந்துள்ளது. அவரது வீட்டில் இருந்த தங்க நகைகள் மற்றும் ரு.5 லட்சம் ரொக்கப்பணம் ஆகியவை திருட்டு போயுள்ளதால் இனியா குடும்பத்தினர் கடும் அதிர்ச்சி அடைந்துள்ளனர்.
திருவனந்தபுரத்தில் உள்ள இனியா, தனது குடும்பத்தினர்களுடன் நேற்று இரவுக்காட்சி கோச்சடையான் படத்திற்கு சென்றிருந்த வேளையில், அடையாளம் தெரியாத மர்ம நபர் இனியாவின் வீட்டினுள் புகுந்து கொள்ளையடித்து சென்றுள்ளார். கோச்சடையான் திரைப்படம் பார்த்துவிட்டு வீட்டிற்கு திரும்பிய இனியா மற்றும் அவரது குடும்பத்தினர் வீடு திறந்திருப்பதை அறிந்து கடும் அதிர்ச்சி அடைந்தனர். வீட்டில் சென்று பார்த்தபோது நகைகளும், ரொக்கப்பணமும் கொள்ளை போயிருப்பது கண்டு அதிர்ச்சி அடைந்தனர்.
இனியாவின் தந்தை திருவனந்தபுரம் காவல்நிலையத்தில் புகார் செய்துள்ளார். எனது மகள் இனியாவின் திருமணத்திற்கு சேர்த்து வைத்திருந்த நகைகளும், ரொக்கப்பணமும் கொள்ளை போயிள்ளதால் தனது குடும்பம் அதிர்ச்சியில் உள்ளதாகவும், இதனால் இனியாவின் திருமணத்திற்கு தடங்கல் ஏற்பட்டுள்ளதாகவும் அவரது தந்தை செய்தியாளர்களிடம் சோகத்துடன் கூறினார்
