இலவச கேஸ் திட்டம்: ஆதாரை இணைக்க தேதி நீட்டிப்பு!
இலவச சமையல் கேஸ் திட்டத்திற்காக ஆதார் எண்ணை இணைக்க காலக்கெடு செப்டம்பர் 30ந் தேதி வரை நீட்டிக்கப்பட்டுள்ளது என மத்திய அரசு அறிவித்துள்ளது.
வறுமைக்கோட்டுக்கு கீழ் வாழும் குடுத்துக்கு, இலவசமாக சமையல் கியாஸ் இணைப்பு வழங்கும் வகையில் ‘பிரதம மந்திரி உஜ்வாலா யோஜனா’ என திட்டம் கடந்த ஆண்டு தொடங்கப்பட்டது.
இந்த திட்டத்தின் படி, 5 கோடி ஏழை பெண்களுக்கு மூன்று ஆண்டுகளுக்குள் இலவச கியாஸ் இணைப்பு வழங்க இலக்கு நிர்ணயிக்கப்பட்டுள்ளது. இந்த திட்டத்தை பெற பயனாளிகளுக்கு ஆதார் கட்டாயம் என கடந்த மார்ச் மாதம் அறிவித்தது மத்திய அரசு. இந்த திட்டத்துக்கு விண்ணப்பிப்போர் தங்கள் ஆதார் எண்ணை தங்களின் விண்ணப்பத்துடன் இணைக்க வேண்டும் என மே 31க்குள் ஆதாருக்கு விண்ணப்பித்து அதற்கான பதிவு அட்டை அல்லது விண்ணப்ப நகலை கேஸ் இணைப்பு விண்ணப்பத்துடன் இணைக்க வேண்டும் என அறிவித்தது.
இந்த காலக்கெடுவை வரும் செப்டம்ப்ர் 30ம் தேதி வர நீட்டித்துள்ளது.
