பாலியல் டார்ச்சர் கொடுத்த இயக்குனருக்கு வாழ்த்து கூறிய விஷால் பட நடிகை
கடந்த சில நாட்களாக நடிகைகளுக்கு ஏற்படும் பாலியல் பிரச்சனைகள் குறித்த தகவல்கள் வெளிவந்து பெரும் பரபரப்பை ஏற்படுத்தி வரும் நிலையில் பிரபல நடிகை ஒருவர் தனக்கு பாலியல் டார்ச்சர் கொடுத்த இயக்குனரை குருவாக கருதி அவருக்கு ஆசிரியர் தின வாழ்த்து கூறியதாக தகவல்கள் வெளிவந்துள்ளது.
விஷால் நடித்த ‘ஆம்பள’ என்ற தமிழ் படத்திலும் ஒருசில தெலுங்கு படத்திலும் நடித்த நடிகை மாதவி லதா. இவர் சமீபத்தில் தனக்கு நேர்ந்த பாலியல் டார்ச்சர் குறித்து கூறியதாவது: நான் நடிகையானது என் குடும்பத்தாருக்கு பிடிக்கவில்லை. ஐதராபாத்துக்கு தனியாக புறப்பட்டு வந்தேன். தெலுங்கு படத்தில் நடிக்க தொடங்கி சில நாட்கள் கழிந்த பிறகு தயாரிப்பாளர், இயக்குனர் உள்ளிட்ட பலர் என்னிடம் நல்ல முறையில் பழகினார்கள். என்னுடைய நண்பராக நீங்கள் ஏன் இருக்கக்கூடாது என்று கேட்டனர். அவர்களின் தவறான எண்ணத்தை உணராமல், நான் உங்கள் நெருங்கிய நண்பர்தான் என்றேன். அப்போதுதான் இயக்குனர் என்னிடம் தவறாக பழக முயல்வதை புரிந்துகொண்டேன். அதை எதிர்த்து பதிலுக்கு மேசேஜ் அனுப்பினேன்.
அதற்கு பதிலாக , முதல் படப்பிடிப்பு நடக்கும் இடத்தில் எனக்கு டார்ச்சர் ஆரம்பமாகிவிட்டது. முதலில் கேரவன் ரத்து செய்யப்பட்டது. எனது ஓட்டல் அறையை மாற்றினார்கள். மரத்தின் அடியில் அமர்ந்து மேக் அப் போடும் நிலை உருவானது. அடுத்த 55 நாட்களுக்கு சோதனைகளை அனுபவித்தேன். உதவி இயக்குனர்கள்கூட என்னிடம் தவறாகவே நடந்தனர். எனது அம்மாவை படப்பிடிப்பு தளத்துக்கு அழைத்து வர அனுமதிக்கவில்லை. கெட்டவார்த்தையை பயன்படுத்தி பேசினார்கள்.
இவ்வளவையும் பொறுத்துக்கொண்டு ஆசிரியர் தினத்தன்று டார்ச்சர் கொடுத்த இயக்குனருக்கு ஆசிரியர் தின வாழ்த்து மெசேஜ் அனுப்பினேன். அதற்கு நான் தந்த கஷ்டங்களுக்கு பிறகும் என்னை நீ மதிப்பது ஆச்சர்யமாக இருக்கிறது என்று பதில் அனுப்பினார். நீங்கள் எனது குரு என்றைக்கும் உங்கள் மீது எனக்கு மரியாதை உண்டு’‘ என நடிகை மாதவி பதில் மெசேஜ் அனுப்பினே.
இவ்வாறு நடிகை மாதவி லதா கூறியுள்ளார்.
