அஜீத், விஜய் படத்தில் நடிக்க வாய்ப்பு கிடைத்தால் நான், நீ என்று போட்டி போட்டு நடிக்க வரும் நடிகைகள், அஜீத் அடுத்து நடிக்கவுள்ள படத்தில் நடிக்க தயங்கி வருகின்றார்களாம்.
வீரம் படத்தை அடுத்து அஜீத்துடன் மீண்டும் இணைந்துள்ள சிறுத்தை சிவா இயக்கவுள்ள படத்தில் இரண்டு நாயகிகள் என்றும், ஒரு நாயகி அஜீத்துக்கு ஜோடி என்றும் இன்னொரு நாயகி அஜீத்துக்கு தங்கை என்றும் கூறப்படுகிறது.
இதில் அஜீத்துக்கு தங்கையாக நடிக்க முன்னணி நடிகைகள் மறுத்து வருவதாக கூறப்படுகிறது. இரண்டாவது கதாநாயகியாக இருந்தாலும் பரவாயில்லை. அஜீத்துக்கு தங்கையாக நடிக்க முடியாது என்று கூறி வருவதாக செய்திகள் கூறுகின்றன.
எனவே புதுமுகம் ஒருவரை அஜீத்துக்கு தங்கையாக நடிக்க வைக்க சிறுத்தை சிவா முடிவு செய்துள்ளதாக கூறப்படுகிறது. இந்த படத்தில் அஜீத்துக்கு ஜோடியாக ஸ்ருதிஹாசன் நடிப்பார் என எதிர்பார்க்கப்படுகிறது. இந்த படத்திற்கு அனிருத் இசையமைக்கும் செய்தி உறுதியாகியுள்ள நிலையில் மற்ற தொழில்நுட்ப கலைஞர்களின் தேர்வு விறுவிறுப்பாக நடைபெற்று வருகிறது.
