ஸ்ரீரங்கம் தொகுதியின் வாக்கு எண்ணிக்கை இன்று காலை 8 மணி முதல் தொடங்கியது. முதல் சுற்று முடிவுகள் வெளிவந்துள்ள நிலையில் அதிமுக 6,234 வாக்குகள் பெற்று முதலிடத்தில் உள்ளது.
இதற்கு அடுத்தபடியாக திமுக 1950 வாக்குகள் பெற்றுள்ளது. அதிமுகவுக்கும் எங்களுக்கும்தான் போட்டி என்ற பறைசாற்றிய பாஜக வெறும் 170 ஓட்டுக்கள் மட்டுமே முதல் சுற்றில் பெற்றுள்ளது. மேலும் சிபிஎம் கட்சி வேட்பாளர் 27 வாக்குகளும், டிராபிக் ராமசாமி 30 வாக்குகளும் பெற்றுள்ளனர்.
முதல் சுற்றிலேயே 4,284 வாக்குகள் வித்தியாசத்தில் அதிமுக வேட்பாளர் வளர்மதி இருப்பதால் அவரது வெற்றி உறுதியாகிவிட்டதாக அதிமுகவின் ஸ்ரீரங்கத்தில் பட்டாசு வெடித்து கொண்டாடி வருகின்றனர்.
