‘தெறி’யை அடுத்து அட்லியின் அடுத்த படம் ரிலீஸ் தேதி.
அட்லி இயக்கத்தில் விஜய், சமந்தா, எமிஜாக்சன் நடித்த ‘தெறி’ திரைப்படம் வரும் ஏப்ரல் மாதம் 14ஆம் தேதி ரிலீஸ் ஆவது கிட்டத்தட்ட உறுதியாகியுள்ள நிலையில் அட்லி தயாரித்து வரும் திரைப்படமான ‘சங்கிலி புங்கிலி கதவை தொற’ திரைப்படத்தின் படப்பிடிப்பு 50% முடிந்துவிட்டதாகவும் விரைவில் இந்த படம் ரிலீஸூக்கு தயாராகிவிடும் என்றும் கூறப்படுகிறது.
ஜீவா, ஸ்ரீதிவ்யா, சூரி, தம்பி ராமையா, கோவை சரளா, ராதிகா, ராதாரவி, இளவரசு, தேவதர்ஷினி, மொட்டை ராஜேந்திரன் உள்ளிட்ட பலர் இந்த படத்தில் நடித்து வருகின்றனர். மேலும் இந்த படத்தில் ஜெய் மற்றும் அக்ஷரா கவுடா ஆகியோர் சிறப்பு தோற்றத்திலும் நடித்துள்ளனர். இந்த படத்தின் படப்பிடிப்பு கடந்த பிப்ரவரி மாதத்தில் இருந்து இடைவேளையின்றி பழநி பகுதியில் விறுவிறுப்பாக நடைபெற்று வருகிறது.
அடுத்த வாரத்துடன் பழநி படப்பிடிப்பு நிறைவடையவுள்ளதாகவும் அதனை அடுத்து ஒரே கட்டமாக சென்னையில் படப்பிடிப்பை நடத்தி முடிக்கவுள்ளதாகவும் இந்த படத்தை வரும் ஜூலையில் வெளியிட அட்லி திட்டமிட்டுள்ளதாகவும் செய்திகள் வெளிவந்துள்ளது.
