விக்ரம் படத்தின் 2வது நாயகியாக விஜய்சேதுபதி பட நடிகை
விஜய்சேதுபதி நடித்த தர்மதுரை உள்ளிட்ட பல படங்களில் நடித்த நடிகை ஐஸ்வர்யா ராஜேஷ், விக்ரம் படத்தின் இரண்டாவது நாயகியாக நடிக்கவுள்ளார்
விக்ரம் நடிப்பில் கவுதம் மேனன் தயாரித்து இயக்கி வரும் பிரமாண்டமான த்ரில் படம் ‘துருவ நட்சத்திரம். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் இரண்டாவது நாயகியாக ஐஸ்வர்யா ராஜேஷ் இணைந்துள்ளார்.ஐஸ்வர்யா ராஜேஷ் இந்த படத்திற்கான ஸ்க்ரீன் டெஸ்ட்டை முடித்துவிட்டதாகவும், அடுத்த வாரம் முதல் அவர் இந்த படத்தின் படப்பிடிப்பில் கலந்து கொள்வார் என்றும் கூறப்படுகிறது.
விக்ரம், ருதுவர்மா, ஐஸ்வர்யா ராஜேஷ், பார்த்திபன் உள்பட பலர் நடித்து வரும் இந்த படத்திற்கு ஹாரீஸ் ஜெயராஜ் இசை அமைத்து வருகிறார். ஜாமோன் ஜான் ஒளிப்பதிவில் ப்ரவீண் அந்தோணி படத்தொகுப்பில் உருவாகி வரும் இந்த படம் வரும் தீபாவளி தினத்தில் வெளியாக்கும் என்று எதிர்பார்க்கப்படுகிறது.
