அஜித் 57′ படத்தின் படப்பிடிப்பு இன்று தொடக்கமா? புதிய தகவல்
தல அஜித் நடிக்கும் ‘தல 57’ படத்தின் பூஜை சமீபத்தில் தொடங்கிய நிலையில் இந்த படத்தின் படப்பிடிப்பு மிக விரைவில் பல்கேரியாவில் தொடங்கும் என்று செய்திகள் வெளிவந்தன. ஆனால் ஒருசில காட்சிகளை இன்று சென்னையில் படக்குழுவினர் படமாக்கவுள்ளதாகவும், அடுத்தகட்ட படப்பிடிப்பு பல்கேரியாவில் நடைபெறும்போது அதில் அஜித் கலந்து கொள்வார் என்றும் கூறப்படுகிறது.
மேலும் பல்கேரியா தவிர மேலும் மூன்று நாடுகளில் இந்த படத்தின் படப்பிடிப்பு நடைபெறவுள்ளதாகவும் இந்த படத்தின் ஃபர்ஸ்ட்லுக்கை வரும் பொங்கல் தினத்தில் ரிலீஸ் செய்ய படக்குழுவினர் திட்டமிட்டுள்ளதாகவும் கூறப்படுகிறது. மேலும் படத்தை வரும் 2017ஆம் ஆண்டு ஏப்ரல் மாதம் வரும் தமிழ்ப்புத்தாண்டு தினத்தில் ரிலீஸ் செய்ய திட்டமிட்டுள்ளதாக தகவல்கள் வெளிவந்துள்ளது
விஜய் உள்பட முன்னணி நடிகர்களுக்கு ஜோடியாக நடித்த காஜல் அகர்வால் முதன்முறையாக இந்த படத்தில் அஜித்துடன் ஜோடி சேருகிறார். அதேபோல் அஜித்துடன் முதன்முறையாக கருணாகரனும் நடிக்கவுள்ளார் என்பது குறிப்பிடத்தக்கது. வேதாளம்’ படத்திற்கு பின்னர் மீண்டும் அனிருத் இசையமைக்கும் அஜித் படம் இதுதான் என்பது குறிப்பிடத்தக்கது.
