இளையதளபதி விஜய் தற்போது சிம்புதேவன் இயக்கத்தில் இன்னும் பெயர் வைக்கப்படாத படம் ஒன்றில் நடித்து வருகிறார். இந்நிலையில் விஜய் சமீபத்தில் வாங்கிய Harley Davidson மோட்டார் பைக்கில்தான் படப்பிடிப்பிற்கு வருவதாக கூறப்படுகிறது. தினமும் காலையில் விஜய் தனது பைக்கில் முகத்தை கர்சிப் கொண்டு மூடிக்கொண்டு படப்பிடிப்பு நடைபெறும் இடத்திற்கு வருகிறாராம்.
இந்த தகவல் தெரிந்த ஒருசிலர் விஜய் வரும் பாதையில் காத்திருந்து தங்களது மொபைல் போனில் விஜய் பைக் ஓட்டி வருவதை புகைப்படம் மற்றும் வீடியோ எடுத்து அதை ஃபேஸ்புக் மற்றும் டுவிட்டரில் பதிவு செய்துள்ளனர்.
இந்த புகைப்படங்களும், வீடியோக்களும் சமூக வலைத்தளங்களில் மிக வேகமாக பரவி வருகிறது. மேலும் இந்த வீடியோவையும் புகைப்படங்களையும் பார்த்த ‘தல’ அஜீத், விஜய்யிடம் ஹெல்மெட் மாட்டிக்கொண்டு பைக் ஓட்டும்படி அறிவுரை கூறியதாகவும் செய்திகள் வெளியாகியுள்ளது. சட்டத்தை மதிக்காமல் ஹெல்மெட் இன்றி பைக் ஓட்டும் விஜய், அஜீத்தின் அறிவுரையை ஏற்றுக்கொள்வாரா என்பது குறித்து இனிமேல்தான் தெரியவரும்.
