கோலிவுட்டின் இளையதலைமுறை நடிகர்களில் மிகவும் முக்கியமானவராக கருதப்படும் நடிகர் ஆர்யா, தற்போது புறம்போக்கு, யட்சன், வாசுவும் சிவாவும் ஒண்ணா படிச்சவங்க ஆகிய மூன்று படங்களில் நடித்து வருகிறார். இதுமட்டுமின்றி சமீபத்தில் மீண்டும் அனுஷ்காவுடன் இணையும் ‘சைஸ் ஜீரோ’ என்ற படத்திலும் நடிக்க ஒப்பந்தமாகியுள்ளார்.
இவற்றில் விஷ்ணுவர்தன் இயக்கி வரும் ‘யட்சன்’ திரைப்படத்தின் படப்பிடிப்பு இறுதிக்கட்டத்தை நெருங்கி வருகிறது. சமீபத்தில் ஏவிஎம் ஸ்டுடியோவில் இந்த படத்தின் படப்பிடிப்பு முடிவடைந்தபோது படத்தின் 99% படப்பிடிப்பு முடிவடைந்துவிட்டதாகவும், மிக விரைவில் படப்பிடிப்பு முற்றிலும் முடிவடைந்துவிடும் என்றும் படக்குழுவினர் கூறியுள்ளனர். இந்த படத்தில் ஆர்யா, அஜீத் ரசிகராகவும், ஒய்.ஜி.மகேந்திரா அரசியல்வாதி வேடத்திலும் நடித்துள்ளனர் என்பது குறிப்பிடத்தக்கது. இந்த படத்தில் ஆர்யாவும், ஒய்.ஜி.மகேந்திராவும் மோதுவதுதான் படத்தின் ஹைலைட் என்று கூறப்படுகிறது.
ஆர்யா, கிருஷ்ணா, தீபா சந்ந்தி, ஸ்வாதி ரெட்டி, கிஷோர், ஒய்.ஜி.மகேந்திரா, தம்பி ராமையா, எம்.எஸ்.பாஸ்கர் மற்றும் பலர் நடித்துள்ள இந்த படத்தில் ‘இசை’ நாயகன் எஸ்.ஜே.சூர்யா சிறப்புத் தோற்றத்தில் நடித்துள்ளார் என்பது குறிப்பிடத்தக்கது. யுவன்ஷங்கர் ராஜாவின் இசையமைப்பில் உருவாகும் இந்த படத்திற்கு ஓம் பிரகாஷ் ஒளிப்பதிவும் ஸ்ரீகர் பிரசாத் எடிட்டிங்கும் செய்துள்ளனர். யூடிவி நிறுவனம் தயாரித்துள்ள இந்த திரைப்படத்திற்கு பிரபல க்ரைம் நாவலாசிரியர்கள் சுபா கதை எழுதியுள்ளனர் என்பது குறிப்பிடத்தக்கது.
