அஜீத்தின் ‘வேதாளம்’: 46க்கே உலக சாதனை என்றால் 152க்கு என்ன நடக்கும்?-
அஜீத் நடித்துள்ள ‘வேதாளம்’ திரைப்படம் தீபாவளிக்கு ரிலீஸ் என்பது 100% உறுதி செய்யப்பட்டுள்ளது. இந்நிலையில் இந்த படத்தின் விளம்பரங்கள் தற்போது தினசரி பத்திரிகைகளிலும் ‘தீபாவளி முதல்’ என்ற வாசகத்துடன் வெளிவந்து கொண்டிருக்கின்றது.
இந்நிலையில் ‘வேதாளம்’ படத்தின் டிரைலர் தயாரிப்பாளர் ஏ.எம்.ரத்னம் அவர்களின் வியாழக்கிழமை செண்டிமெண்ட்டின்படி வரும் 29ஆம் தேதி அதிகாலை 12 மணிக்கு ரிலீஸ் ஆவது உறுதி செய்யப்பட்டுள்ளது. டிரைலரின் பின்னணி இசையை சற்று முன்னர் அனிருத் முடித்துவிட்டதாக தகவல்கள் வெளிவந்துள்ளது. மேலும் இந்த டிரைலர் 152 வினாடிகள் அதாவது 2 நிமிடங்கள் மற்றும் 32 வினாடிகள் அமைந்துள்ளதாக படக்குழுவினர் தெரிவித்துள்ளனர்.
46 வினாடிகள் மட்டுமே அடங்கிய டிரைலரை உலக அளவில் கொண்டு போய் சேர்த்த அஜீத் ரசிகர்கள் இரண்டரை நிமிடங்கள் உள்ள இந்த டிரைலரை எதுவரை கொண்டு செல்லவுள்ளனர் என்பதை அறிய சினிமா ரசிகர்கள் காத்திருக்கின்றனர்.
