கவுதம் மேனன் இயக்கி வரும் அஜீத் 55 படத்தில் அஜீத் இரண்டுவித கெட்டப்புகளில் தோன்றுகிறார் என்பது நாம் அனைவரும் அறிந்ததே. ஆக்சன் மற்றும் காதல் செண்டிமெண்ட் கலந்த இந்த படத்தில் அஜீத்-த்ரிஷா ஜோடி பிளாஷ்பேக் காட்சிகளில் வருகின்றனர். மிகவும் இளமையாகவும், கருப்புநிற முடியுடன் கூடிய கெட்டப்புடன் அஜீத், த்ரிஷாவுடன் நடித்துள்ளார். ஒரு குழந்தைக்கு பெற்றோர்களாக நடித்திருந்தாலும், இவர்களுடைய காதல் காட்சி மிகவும் ரசிக்கத்தக்க வகையில் அமைந்துள்ளதாக படக்குழுவினர் மகிழ்ச்சியுடன் கூறுகின்றனர். கடந்த 2012ஆம் ஆண்டு வெளிவந்த பில்லா 2 படத்திற்கு பின்னர் அஜீத் கருப்பு நிற முடியுடன் இளமையாக தோன்றுவது இந்த படத்தில்தான் என்பது குறிப்பிடத்தக்கது.
ஆனால் இதற்கு நேர்மாறாக இரண்டாம் பாதியில் நரைமுடி தோற்றத்துடன் வருகிறாராம் அஜீத். நரைமுடி கெட்டப் அஜீத்துக்கு ஜோடியாக அனுஷ்கா நடிக்கிறார் என்பது குறிப்பிடத்தக்கது. அஜீத், அனுஷ்கா காட்சிகள் முழுவதுமே சேஸிங் என்பதால் இவர்களுக்குள் ரொமான்ஸ் காட்சிகளுக்கு நேரமே இல்லை. இரண்டாம் பாதியில் அஜீத் மற்றும் அனுஷ்காவின் அதிரடிகள் திரையரங்கை அதிர வைக்கும் என்பதில் சந்தேகம் இல்லை என்று கவுதம் மேனன் உறுதியாக கூறுகிறார்.
இந்த படத்தில் மேலும் ஹைலைட்டாக கூறப்படுவது ஹாரீஸ் ஜெயராஜின் இசை என்கிறது படக்குழு. ஹாரீஸ் ஜெயராஜ் – கவுதம் மேனன் ஜோடி ஏற்கனவே பல ஹிட்களை கொடுத்திருந்தாலும், இந்த படம் மிகவும் வித்தியாசமாக இருக்கும் என கூறப்படுகிறது. ஏ.எம்.ரத்னம் தயாரிக்கும் இந்த படத்தை நவம்பரில் ரிலீஸ் செய்ய தயாரிப்பாளர் முடிவு செய்துள்ளார். கமல் நடித்த ‘சத்யா’ என்ற படத்தின் டைட்டில் இந்த படத்திற்கு வைக்க இருப்பதாக வந்த செய்தியை மறுத்துள்ள ஏ.எம்.ரத்னம், படத்தின் டைட்டிலை முடிவு செய்தாகிவிட்டது என்றும், விரைவில் டைட்டிலை அதிகாரபூர்வமாக அறிவிக்க உள்ளதாகவும் கூறுகிறார்.
