அஜீத், அனுஷ்கா, த்ரிஷா, அருண்விஜய் நடிப்பில் கவுதம் மேனன் இயக்க்கத்தில் உருவாகி வரும் புதிய திரைப்படம் ‘என்னை அறிந்தால்’. இப்படத்தின் டீசர் சமீபத்தில் இணையதளத்தில் வெளியாகி அகில இந்திய அளவில் பல சாதனைகளை படைத்து வருகிறது. அஜீத் ரசிகர்கள் அந்த டீசரை வெகுவாக கொண்டாடி வருகின்றனர்.
இதுவரை கம்ப்யூட்டரில் யுடியூப் இணையதளத்தில் மட்டும் கண்டு களித்த இந்த படத்தின் டீசர் நாளை முதல் தியேட்டரிலும் வெளிவர இருக்கின்றது. மேலும் இன்று இரவு சரியாக 12மணிக்கு “என்னை அறிந்தால்” படத்தின் பாடல் ஒன்றும் வெளியாகவுள்ளது.
அஜீத்தின் அறிமுகப்பாடலான ‘அதாரு அதாரு உதாரு உதாரு’ என்று தொடங்கும் பாடலை கானா பாலா பாடியுள்ளார். இந்த பாடலின் வீடியோ இன்று நள்ளிரவு வெளியாகவுள்ளது. ஹாரிஸ் ஜெயராஜ் இசையில் உருவாகியுள்ள இந்த பாடலை டீசரை போலவே இணையத்தில் டிரெண்ட் ஏற்படுத்த வேண்டும் என்று அஜீத் ரசிகர்கள் வரிந்து கட்டிக்கொண்டு காத்திருக்கின்றனர். இந்த படம் வரும் பொங்கல் தினத்தில் வெளியாகவுள்ளது.
