ஷங்கரின் பிரமாண்ட திரைப்படமான ‘ஐ’ பொங்கல் திருநாளில் வெளியாவது உறுதியாகிவிட்டது. சென்னை உள்பட தமிழகத்தின் அனைத்து தியேட்டர்களும் ‘ஐ’ படத்தை வெளியிட முன்வந்துள்ளதால் வேறு படங்களுக்கு தியேட்டர்கள் கிடைக்காத சூழ்நிலை ஏற்பட்டுள்ளது.
இந்நிலையில் அஜீத் நடித்த ‘என்னை அறிந்தால்’ திரைப்படம் திட்டமிட்டபடி 9ஆம் தேதி ரிலீஸ் ஆகியே தீரும். இதில் எவ்வித மாற்றமும் இல்லை என்று படத்தயாரிப்பாளர் ஏ.எம்.ரத்னம் உறுதியாக கூறியுள்ளார். ஜனவரி 9ஆம் தேதியோ அல்லது அதற்கு முன்பு ஆங்கில புத்தாண்டு தினத்தினலோ படத்தை ரிலீஸ் செய்வது என்றும், ஐ ரிலீஸாவதற்குள் மொத்த கலெக்ஷனையும் அள்ளிவிட வேண்டும் என்பதே தயாரிப்பாளரின் அதிரடி திட்டம்.
தமிழகத்தில் உள்ள தியேட்டர்களில் சுமார் 90% தியேட்டர்களில் அதிரடியாக ‘என்னை அறிந்தால்’ படத்தை ரிலீஸ் செய்ய ஏ.எம்.ரத்னம் முடிவு செய்துள்ளார். அவ்வாறு ரிலீஸ் செய்தால் பொங்கலுக்கு ‘ஐ’ ரிலீஸ் ஆகும் முன்பே தேவையான வசூலை எடுத்துவிடலாம் என்பதே அவரது திட்டம். இதற்கு அஜித்தும், கெளதம் மேனனும் ஒப்புக்கொண்டதாக தகவல்கள் தெரிவிக்கின்றன. அஜீத் ரசிகர்களுக்கு இந்த வருடம் ஒரு வாரத்திற்கு முன்பே பொங்கல் திருவிழா வந்துவிட்டது என்பது குறிப்பிடத்தக்கது.
