பல்கேரியா விமான நிலையத்தில் அஜித். ரசிகர்கள் உற்சாகம்.
பல்கேரியா என்ற நாடு எந்த திசையில் உள்ளது, எந்த கண்டத்தில் உள்ளது என்று தெரியாதவர்கள் கூட தற்போது கூகுளில் பல்கேரியாவை பற்றி தேடி வருகின்றனர். இதற்கு காரணம் தல அஜித் நடிக்கவுள்ள அடுத்த படத்தின் படப்பிடிப்பு அந்நாட்டில் தொடங்கவுள்ளது என்பதுதான்
இந்நிலையில் இன்று காலை அஜித், பல்கேரியா நாட்டிற்கு சென்றுள்ளார். பல்கேரியா விமான நிலையத்தில் அஜித்தை பார்த்த ரசிகர்கள் ஆச்சரியம் அடைந்து அவரோடு புகைப்படம் எடுத்துள்ளனர். அஜித் பொறுமையாக அனைவருடனும் நின்று புகைப்படம் எடுத்துள்ளார். இந்த புகைப்படங்கள் தற்போது டுவிட்டரில் பரபரப்புடன் பகிரப்பட்டு வருகிறது.
சிறுத்தை சிவா உள்பட ‘அஜித் 57’ படத்தின் டெக்னிக்கல் டீம் ஏற்கனவே பல்கேரியா சென்று படப்பிடிப்புக்கு தேவையான பணிகளை செய்து வருகின்றனர். விரைவில் இந்த குழுவுடன் காஜல் அகர்வாலும் இணையவுள்ளார். பல்கேரியாவில் தொடர்ச்சியாக 40 நாட்கள் இந்த படத்தின் படப்பிடிப்பு நடைபெறவுள்ளதாகவும் வரும் 2017ஆம் ஆண்டு பொங்கல் தினத்தில் இந்த படத்தை வெளியிட சத்யஜோதி நிறுவனம் திட்டமிட்டுள்ளதாகவும் செய்திகள் வெளிவந்துள்ளது.
