கடந்த 5ஆம் தேதி முதல் உலகின் பல பகுதிகளில் வெற்றிகரமாக ஓடிக்கொண்டிருக்கும் அஜீத்தின் என்னை அறிந்தால்’ திரைப்படம் திடீரென நாகர்கோவிலில் உள்ள ஒரு தியேட்டரில் மட்டும் நிறுத்தப்பட்டதால் ரசிகர்கள் பெரும் கலவரத்தில் ஈடுபட்டனர். கலவரத்தை கட்டுப்பட்ட போலீஸார் உடனே வரவழைக்கப்பட்டதால் அங்கு பெரும் பதட்டநிலை ஏற்பட்டது.
நாகர்கோவிலில் உள்ள ஒரு திரையரங்கில் கடந்த வியாழக்கிழமை அஜீத் நடித்த ‘என்னை அறிந்தால்’ திரைப்படம் இரவு 10.30 மணிக்காட்சி ஓடிக்கொண்டிருந்தது. இடைவெளைக்கு பின்னர் திடீரென தியேட்டரில் உள்ள இயந்திரத்தில் திடீரென பழுது ஏற்பட்டது.
இரவு 12மணிக்கு மேல் ஆகிவிட்டதால் இயந்திரத்தை பழுதுபார்க்கும் பொறியாளர் வரவில்லை என கூறப்படுகிறது. இந்நிலையில் பாதியில் படம் நிறுத்தப்பட்டதால் ஆத்திரமடைந்த ரசிகர்கள் ரகளையில் இறங்கினர். தியேட்டர் கண்ணாடிகள் அடித்து நொறுக்கப்பட்டது.
வன்முறை அதிகமானதை கண்ட தியேட்டர் மேலாளர் உடனே காவல்துறைக்கு தகவல் அளித்தார். காவல்துறையினர் உடனடியாக தியேட்டருக்கு வந்து ரசிகர்களை அப்புறப்படுத்தினர். நள்ளிரவுல் நடந்த பெரும் ரகளை காரணமாக அந்த பகுதியில் பெரும் பரபரப்பு ஏற்பட்டது. இந்நிலையில் தியேட்டரில் இயந்திரம் பழுது ஏற்பட்டதற்கு மர்ம நபர்களின் சதியே காரணம் என அஜீத் ரசிகர்கள் சந்தேகம் அடைந்ததாக அந்த பகுதியில் செய்தி கசிந்து வருகிறது.
