TNPL கிரிக்கெட் போட்டி: இறுதி போட்டிக்கு தகுதி பெற்றது தூத்துக்குடி
ஐபிஎல் போட்டிக்கு இணையாக கடந்த சில நாட்களாக விறுவிறுப்பாக நடைபெற்று வந்த TNPL கிரிக்கெட் போட்டி தொடரின் முதல் அரையிறுதி ஆட்டம் நேற்று திருநெல்வேலி மைதானத்தில் நடைபெற்றது. இந்த போட்டியில் ஆல்பர்ட் டூட்டி பேட்ரியாட்ஸ் அணியும், திண்டுக்கல் டிராகன்ஸ் அணியும் மோதியது. விறுவிறுப்பாக நடைபெற்ற இந்த போட்டியில் ஆல்பர்ட் டூட்டி பேட்ரியாட்ஸ் 38 ரன்கள் வித்தியாசத்தில் வெற்றி பெற்று இறுதிப்போட்டிக்கு தகுதி பெற்றது.
ஸ்கோர் விபரம்:
ஆல்பர்ட் டூட்டி பேட்ரியாட்ஸ் அணி 187/10 20 ஓவர்கள்
முகுந்தன் 91
தினேஷ் கார்த்திக் 48
திண்டுக்கல் டிராகன்ஸ் அணி 149/8 20 ஓவர்கள்
ஜெகதீசன் 59
வெங்கட்ரமணன் 40
ஆட்டநாயகன்: முகுந்தன் (ஆல்பர்ட் டூட்டி பேட்ரியாட்ஸ் )
இந்நிலையில் இன்று சேப்பாக் கில்லிஸ் அணிக்கும், லைகா கோவை கிங்ஸ் அணிக்கும் இடையே இரண்டாவது அரையிறுதிப் போட்டி சென்னை சேப்பாக்கம் மைதானத்தில் நடைபெறவுள்ளது. இந்த போட்டியில் வெற்றி பெறும் அணி வரும் ஞாயிறு அன்று தூத்துக்குடி அணியுடன் இறுதிப்போட்டியில் மோதும்.
