சினிமா தோன்றி காலத்தில் இருந்தே ராமாயணம் மற்றும் மகாபாரதம் குறித்த திரைப்படங்கள் பல மொழிகளில் பல நடிகர்களின் நடிப்பில் வெளிவந்துள்ளது. மேலும் தொலைக்காட்சி தொடராகவும் வெளிவந்து மக்களின் மனதில் பதிந்துள்ளது. தற்போதைய டிஜிட்டல் உலகில் நவீன தொழில்நுட்பத்தில் மிகவும் பிரமாண்டமாக பல முக்கிய நடிகர்களின் நடிப்பில் மீண்டும் மகாபாரதம் திரைப்படம் உருவாக இருக்கின்றது.
பிரபல கேரள நிறுவனங்கள் ரூ.250 கோடியில் தயாரிக்கவுள்ள மகாபாரதம் படத்தில் அமிதாப்பச்சன், விக்ரம், மோகன்லால், ஐஸ்வர்யாராய் மற்றும் பலர் நடிக்கவுள்ளனர். இந்த படத்தில் பீமனாக நடிக்க மோகன்லாலும். பீஷ்மராக அமிதாப்பச்சன், அர்ஜுனனாக விக்ரம், திருதராஷ்டிரனாக நாகார்ஜுன், திரவுபதியாக ஐஸ்வர்யாராய் நடிக்கவும் பேசப்பட்டு வருகிறது. ஏ.ஆர்.ரஹ்மான் இந்த படத்திற்கு இசையமைக்க உள்ளார்.
மலையாள திரைக்கதாசிரியர் எம்.டி.வாசுதேவன் நாயர் திரைக்கதை அமைக்க உள்ளார். ஸ்ரீகுமார் இயக்குனர் பொறுப்பை ஏற்க உள்ளார். இந்த திரைப்படம் வரும் 2015ஆம் ஆண்டு ஜனவரியில் துவங்கும் என கூறப்படுகிறது. தமிழ், தெலுங்கு, மலையாளம், இந்தி, ஆங்கிலம் என 5 மொழிகளில் இந்த படம் தயாராகவுள்ளதாக கூறப்படுகிறது.
