குஜராத் முதலமைச்சராக ஆனந்திபட்டேல் தேர்வு. மாநிலத்தின் முதல் பெண் முதலமைச்சர்.
பாரதப்பிரதமராக நரேந்திர மோடி வரும் 26ஆம் தேதி பதவியேற்க உள்ள நிலையில் குஜராத்தின் புதிய முதல்வரை தேர்ந்தெடுக்க நேற்று காந்திநகரில் பாரதிய ஜனதா கட்சியின் எம்.எல்.ஏக்கள் கூட்டம் நடந்தது. இதில் ஒருமனதாக ஆனந்திபட்டேல் முதல்வராக தேர்வு செய்யப்பட்டார்.
அவருக்கு எம்.எல்.ஏக்கள் அனைவரும் வாழ்த்து தெரிவித்தனர். முதல்வராக தேர்ந்தெடுக்கப்பட்ட ஆனந்திபட்டேல் , மோடி அமைச்சரவையில் வருவாய்த்துறை அமைச்சராக பணியாற்றியவர் என்பது குறிப்பிடத்தக்கது. குஜராத்தின் முதல் பெண் முதலமைச்சர் என்ற பெருமையை இவர் பெற்றுள்ளர்.
முன்னதாக நரேந்திர மோடிக்கு வழியனுப்பும் நிகழ்ச்சி குஜராத் சட்டமன்றத்தில் நடந்தது. இதில் பேசிய மோடி, “குஜராத்தை முன்னிறுத்தி பிரச்சாரம் மேற்கொண்டதாலே நாடு முழுவதும் பாரதிய ஜனதா இந்த சரித்திர சாதனைமிக்க வெற்றியை பெற்றுள்ளது என்று கூறினார்.
