சூர்யா,சமந்தா நடிப்பில் இயக்குனர் லிங்குசாமியின் அஞ்சான் திரைப்படத்தின் இசை வெளியீட்டு விழா வரும் ஜூலை மாதம் 17ஆம் தேதி நடைபெறும் என யூடிவி தனஞ்செயன் இன்று அதிகாரபூர்வமாக தெரிவித்துள்ளார்.
இன்று செய்தியாளர்களுக்கு பேட்டியளித்த யூடிவி தனஞ்செயன், ‘அஞ்சான் திரைப்படத்தின் டீசர் வரும் 5ஆம் தேதி வெளிவருகிறது என்றும், படத்தின் இசைவெளியீட்டு விழா ஜூலை 17ஆம் தேதி சென்னையில் நடக்கவுள்ளது என்றும் தெரிவித்த அவர், ஆகஸ்ட் 15ஆம் தேதி சுதந்திர தினத்தில் அஞ்சான் இந்தியா முழுவதும் ரிலீஸ் ஆகும் என்று கூறினார்.
சூர்யா, சமந்தா ஜோடி முதல்முறையாக சேர்ந்துள்ள இந்த படத்திற்கு யுவன்ஷங்கர் ராஜா இசையமைத்துள்ளார். சந்தோஷ் சிவன் ஒளிப்பதிவில் கதை திரைக்கதை வசனம் எழுதி இயக்கியுள்ளார் லிங்குசாமி. திருப்பதி பிரதர்ஸ் நிறுவனம் இந்த படத்தை தயாரித்துள்ளது. மும்பை தாதாக்களை மையமாக வைத்து அமைக்கப்பட்டுள்ள இந்த படத்தில் இதுவரை சொல்லாத அழகான காதல் கதையும் உண்டு என்று கூறியுள்ளார் இயக்குனர் லிங்குசாமி.
