ஆக்சன் களத்தில் இறங்குகிறார் அஞ்சலி

ஆக்சன் களத்தில் இறங்குகிறார் அஞ்சலி

இதுவரை சாதுவான மற்றும் கவர்ச்சி வேடங்களில் மட்டும் நடித்து வந்த நடிகை அஞ்சலி முதன்முதலாக விஜயசாந்தி ஸ்டைலில் ஆக்சன் படம் ஒன்றில் நடிக்க ஒப்பந்தம் செய்யப்பட்டுள்ளார். இந்த படத்திற்கு ‘காண்பது பொய்’ என்ற டைட்டில் வைக்கப்பட்டுள்ளது. இந்த படத்தின் படப்பிடிப்பு இன்று முதல் சென்னையில் தொடங்குகிறது.

கற்றது தமிழ், மங்காத்தா, அங்காடி தெரு ஆகிய படங்களில் ஹோம்லி வேடங்களிலும் ‘கலகலப்பு’ உள்பட ஒருசில படங்களில் கவர்ச்சி வேடங்களிலும் நடித்து வந்த நடிகை அஞ்சலி, அனுஷ்கா பாணியில் அதிர்டி ஆக்சனுக்கு தயாராகிவிட்டார். ‘காண்பது பொய்’ என்ற ஆக்சன் படத்தின் ஃபர்ஸ்ட்லுக் போஸ்டர் இன்று இணையதளங்களில் வெளியாகியுள்ளது. இந்த பர்ஸ்ட்லுக்கே இதுவொரு அதிரடி ஆக்சன் படம் என்பதை உறுதி செய்துள்ளது.

ஸ்ரீஜெய் சாய் மூவீஸ் கிரியேஷன் நிறுவனம் தயாரிக்கும் இந்த படத்தை இயக்குனர் ஷர்லேஸ் இயக்கி வருகிறார். இந்த படத்தின் பாடல் ஒன்று சமீபத்தில் ஒலிப்பதிவு செய்யப்பட்டதாகவும் அந்த பாடலை மெலடி குயில் ஷ்ரேயா கோஷல் பாடியுள்ளதாகவும் செய்திகள் கூறுகின்றன

Chennai Today News: Anjali in action movie