அனைத்து கட்சி கூட்டத்தில் ஏன் கலந்து கொள்ளவில்லை: முதல்வருக்கு அண்ணாமலை கடிதம்!

நீட் விவகாரம் குறித்து இன்று அனைத்துக் கட்சிக் கூட்டம் நடைபெற உள்ள நிலையில் இந்த கூட்டத்தை புறக்கணிப்பது ஏன் என பாஜக தலைவர் அண்ணாமலை முதல்வர் ஸ்டாலினுக்கு கடிதம் எழுதியுள்ளார்

நீட் தேர்வு தொடர்பான அனைத்துக் கட்சிக் கூட்டத்தில் பங்கேற்க அழைப்பு விடுவதற்கு நன்றி என்று கூறிய அண்ணாமலை, நாளை அனைத்து கட்சி கூட்டம் என்பது கண்துடைப்பு என்பதை புரிந்து கொண்டு விலகிக் கொள்கிறோம் என்று தெரிவித்துள்ளார்.

நீட்தேர்வு தான் உண்மையான சமூக நீதிக்கான அடையாளம் என்பதை முதல்வர் இன்னும் உணரவில்லையா? என்று கேள்வி எழுப்பிய அண்ணாமலை, மக்கள் நலனுக்காக முழு ஒத்துழைப்பு கொடுக்க பாஜக தயாராக உள்ளது என்றும் ஆனால் அதே நேரத்தில் உண்மையும் நேர்மையும் இருக்க வேண்டும் என்றும் மக்களை ஏமாற்றும் பிரச்சனைகளுக்கு துணை நிற்க மாட்டோம் என்றும் தனது கடிதத்தில் குறிப்பிட்டுள்ளார்.