“அப்பாடக்கர்’ படத்தின் பெயர் திடீர் மாற்றம்
கடந்த 1982 ஆம் ஆண்டு கமல்ஹாசன் -அம்பிகா நடிப்பில் வெளிவந்த திரைப்படம் ‘சகலகலாவல்லவன். இந்த படத்தில் இடம்பெற்ற ‘ஹேப்பி நியு இயர்’ என்ற பாடல் இப்போதும் புத்தாண்டு சமயங்களில் ஹிட் ஆகும். இந்த படத்தின் பெயர் தற்போது தயாராகி வரும் ஒரு படத்திற்கு வைக்கப்பட்டுள்ளது.
ஜெயம் ரவி நடிப்பில் படப்பிடிப்பு முடிவடைந்து, ரிலீஸுக்கு தயாராக இருக்கும் ‘அப்பாடக்கர்’ படத்தின் டைட்டிலை தற்போது ‘சகலகலாவல்லவன்’ என்று படக்குழுவினர் மாற்றியுள்ளனர். அப்பாடக்கர்’ என்ற டைட்டில் வைத்தால் வரிவிலக்கு கிடைக்காது என்பதால் படத்தின் டைட்டில் மாற்றப்பட்டதாக கூறப்படுகிறது.
இந்த படத்தில் ஜெயம் ரவி, த்ரிஷா, அஞ்சலி, பிரபு, விவேக், சூரி, ‘நான்கடவுள்’ ராஜேந்திரன் மற்றும் பலர் நடித்துள்ளனர். ‘முனியாண்டி விலங்கியல் 3ஆம் ஆண்டு’ படத்தில் நடித்த நடிகை பூர்ணா, சிறப்பு இந்த படத்தில் ஒரு குத்துப்பாடலுக்கு நடனம் ஆடியுள்ளார் என்பது குறிப்பிடத்தக்கது.
லட்சுமி மூவி மேக்கர்ஸ் நிறுவனம் தயாரித்துள்ள இந்த படத்தை சுராஜ் இயக்கியுள்ளார். எஸ்.தமன் இசையமைத்திருக்கும் இந்த படத்திற்கு செந்தில்குமார் ஒளிப்பதிவு, செல்வா படத்தொகுப்பும் செய்துள்ளனர்.
