சென்னைப் பல்கலை தொலைநிலைக் கல்வியில், இளங்கலை மற்றும் முதுகலை படிப்புக்கு, டிசம்பர் மாதம் நடக்கும் தேர்வுக்கு விண்ணப்பிக்கும் தேதி நீட்டிக்கப்பட்டு உள்ளது.
இதுகுறித்து, சென்னை பல்கலை வெளியிட்டுள்ள செய்திக் குறிப்பு:
தொலை நிலைக் கல்வியில், டிசம்பரில் தேர்வு எழுத விரும்புவோர், கண்டிப்பாக ஆன்லைனில் பதிவு செய்ய வேண்டும். பதிவு செய்யாதோருக்கு தேர்வு எழுத அனுமதி இல்லை. வரும், 7-ம் தேதி வரை அபராதம் இல்லாமல் விண்ணப்பிக்கலாம். அக்.,14-ம் தேதி வரை அபராதத்துடன் விண்ணப்பிக்க வேண்டும். வங்கியில் தேர்வுக் கட்டணம் செலுத்திய பிறகு, விண்ணப்ப நகலை கண்டிப்பாக பல்கலையில் சமர்பிக்க வேண்டும். இவ்வாறு செய்திக் குறிப்பில் கூறப்பட்டுள்ளது.
