ஹாலிவுட் படத்தில் அரவிந்தசாமி?
‘பாகுபலி’, ‘கபாலி’ படங்களின் வெற்றி தமிழ் படங்களையும், தமிழ் நடிகர்களையும் ஹாலிவுட்டே திரும்பி பார்த்துள்ளது. இந்நிலையில் ஏற்கனவே தனுஷ் ஒரு ஹாலிவுட் படத்தில் நடிக்கவுள்ளதாக செய்திகள் வெளிவந்த நிலையில் தற்போது அரவிந்தசாமியும் ஹாலிவுட் படத்தில் நடிக்க ஒப்பந்தமாகியுள்ளதாக கூறப்படுகிறது.
‘Mad Max Fury’ என்ற ஆஸ்கார் விருது பெற்ற படக்குழுவினர் விரைவில் தங்கள் அடுத்த படத்தை தொடங்கவுள்ளனர். இந்த படத்திற்கான நடிகர், நடிகைகள் தேர்வு செய்யப்பட்டு வரும் நிலையில் இந்த படத்தின் ஒரு முக்கிய கேரக்டரில் நடிக்க அரவிந்தசாமி ஒப்பந்தமாகியுள்ளதாக கூறப்படுகிறது. இந்த படத்தில் அரவிந்தசாமி இந்திய தொழிலதிபராக நடிக்கவுள்ளாராம்.
அரவிந்தசாமி தற்போது, போகன், ‘தனி ஒருவன் தெலுங்கு ரீமேக், சதுரங்க வேட்டை 2’ ஆகிய படங்களில் நடித்து வருவதோடு விரைவில் பாலா இயக்கவுள்ள படத்திலும் நடிக்கவுள்ளார். இந்நிலையில் அவருக்கு ஹாலிவுட் பட வாய்ப்பு கிடைத்துள்ளது என்பது குறிப்பிடத்தக்கது.
