பாலாவின் அடுத்த படத்தில் அரவிந்தசாமி ஹீரோவா?
தேசியவிருது பெற்ற இயக்குனர் பாலாவின் படத்தில் நடிக்க வேண்டும் என்பதே ஒவ்வொரு நடிகரின் கனவாக இருப்பது அனைவரும் அறிந்ததே. விக்ரம், சூர்யா, ஆர்யா, விஷால், அதர்வா ஆகியோர் பாலாவின் இயக்கத்தில் நடித்த பின்னரே ஒரு முழு நடிகராக மாறியுள்ளனர். இந்நிலையில் பாலாவின் இயக்கத்தில் உருவாகியுள்ள ‘தாரை தப்பட்டை’ திரைப்படத்தின் படப்பிடிப்பு முடிவடைந்து விரைவில் வெளியாகவுள்ளது.
இந்நிலையில் பாலாவின் அடுத்த படத்தில் ‘தனி ஒருவன்’ படத்தில் வில்லனாக நடித்து அனைவரையும் ஆச்சரியப்படுத்திய அரவிந்தசாமி நடிக்க வாய்ப்பு இருப்பதாக கூறப்படுகிறது. தனி ஒருவன்’ படத்தை சமீபத்தில் பார்த்த இயக்குனர் பாலா, தனது அடுத்த படத்தின் கேரக்டருக்கு அரவிந்தசாமியே பொருத்தமானவர் என்ற முடிவுக்கு வந்துள்ளதாகவும், அவரிடம் பாலாவின் தரப்பு பேச்சுவார்த்தை நடத்தி வருவதாகவும் கூறப்படுகிறது.
விக்ரம், சூர்யா, ஆர்யா, விஷால், அதர்வா ஆகியோர்களுக்கு வித்தியாசமான வேடம், மற்றும் வித்தியாசமான கெட்டப்புகளை கொடுத்த பாலா, அரவிந்தசாமிக்கு எந்தமாதிரியான கெட்டப்பை கொடுக்கப்போகிறார் என்பதை அறிய கோலிவுட் திரையுலகமே காத்திருக்கின்றது.
