‘எந்திரன் 2’ படத்தில் இருந்து அர்னால்ட் நீக்கமா? திடுக்கிடும் தகவல்
சூப்பர்ஸ்டார் ரஜினிகாந்த் நடிக்கவுள்ள ‘எந்திரன் 2’ படத்தில் ரஜினிக்கு வில்லனாக நடிக்க ஹாலிவுட் சூப்பர் ஸ்டார் அர்னால்ட் அவர்களிடம் கடந்த சில நாட்களாக பேச்சுவார்த்தை நடத்தப்பட்டது. அவரது சம்பளம் மட்டுமே ரூ.100 கோடி என்று கூறப்பட்ட போதிலும், அர்னால்ட் வரவால் இந்த படம் உலகம் முழுவதும் சூப்பர் ஹிட் ஆகலாம் என்ற எதிர்பார்ப்பில் தயாரிப்பு தரப்பு ஒப்புக்கொண்டது.
இந்நிலையில் ஷங்கரின் திரைக்கதையில் அர்னால்ட் திருப்தி அடையவில்லை என்றும் ஹாலிவுட் திரைக்கதை ஆசிரியர்களின் உதவியால் முழு ஸ்கிரிப்டையும் மாற்ற வேண்டும் என்றும் அர்னால்ட் தரப்பில் கூறப்பட்டதாகவும், ஒருகட்டத்தில் ஷங்கருக்கு பதிலாக வேறொரு இயக்குனரை அர்னால்ட் தயாரிப்பு தரப்பில் பரிந்துரை செய்ததாகவும் இதனால் அதிர்சி அடைந்த ஷங்கர் மற்றும் தயாரிப்பு தரப்பு அர்னால்டை படத்தில் இருந்து நீக்கிவிட்டதாகவும் கூறப்படுகிறது.
தற்போது அர்னால்டுக்கு பதிலாக பாலிவுட் சூப்பர் ஸ்டார் ஒருவரிடம் பேச்சுவார்த்தை நடந்து வருவதாகவும் இதுகுறித்த அறிவிப்பு விரைவில் வெளிவரும் என்றும் கூறப்படுகிறது.
