விஜய்யின் ‘பைரவா’ படத்தில் இணையும் ‘வில்லு’ தயாரிப்பாளர்
இளையதளபதி விஜய், நயன்தாரா நடித்த ‘வில்லு’ படத்தை தயாரித்த பிரபல நடிகரும், அரசியல்வாதியுமான அருண்பாண்டியன் விஜய் நடித்த ‘பைரவா’ படத்தின் வெளிநாட்டு உரிமையை மிகப்பெரிய தொகை கொடுத்து கைப்பற்றியுள்ளதாக தகவல்கள் வெளிவந்துள்ளது.
அருண்பாண்டியனின் A&P குரூப்ஸ் நிறுவனம் இதற்கான ஒப்பந்தத்தில் நேற்று கையெழுத்திட்டதாகவும், உலகம் முழுவதும் பெருவாரியான நாடுகளில் இந்த படத்தை பிரமாண்டமாக வெளியிட திட்டமிட்டுள்ளதாகவும் தகவல்கள் வெளிவந்துள்ளது.
விஜய்யின் முந்தைய படமான ‘தெறி’ உலகம் முழுவதும் சூப்பர் ஹிட் ஆனதால் இந்த படத்திற்கு பெரும் எதிர்பார்ப்பு ஏற்பட்டுள்ளது. இந்நிலையில் இந்த படத்தின் டீசர் வரும் தீபாவளி தினத்தில் வெளியாகும் என்று எதிர்பார்க்கப்படுகிறது.
