கே.வி.ஆனந்த் இயக்கும் அடுத்த படத்தில் ஆர்யா?
கோ, அயன், மாற்றான், அனேகன் போன்ற படங்களை இயக்கிய கே.வி.ஆனந்த் தனது அடுத்த படத்திற்கான திரைக்கதையை முடித்துவிட்டதாகவும், விரைவில் இந்த புதிய படத்தின் படப்பிடிப்பை அவர் தொடங்கவுள்ளதாகவும் கூறப்படுகிறது.
விறுவிறுப்பான ஆக்சன் படமான இந்த படத்தில் ஆர்யா ஹீரோவாக நடிக்கவுள்ளதாக கூறப்படுகிறது. மேலும் இந்த படத்தின் திரைக்கதையை அவர் பிரபல எழுத்தாளர் மற்றும் பாடலாசிரியர் கபிலன் வைரமுத்துவுடன் இணைந்து எழுதியுள்ளதாகவும் கூறப்படுகிறது.
இந்த படத்திற்கு ஹாரீஸ் ஜெயராஜ் இசையமைப்பார் என எதிர்பார்க்கப்படுகிறது. மேலும் இந்த படத்தில் ஆர்யாவுக்கு ஜோடியாக நடிக்க இரண்டு பெரிய நடிகைகளுடன் பேச்சுவார்த்தை நடந்து வருவதாகவும் விரைவில் இந்த படம் குறித்த அதிகாரபூர்வ அறிவிப்பை கே.வி.ஆனந்த் வெளியிடுவார் என்றும் கூறப்படுகிறது.
