சூர்யா, விஷால், ஆர்யா, கார்த்தி இணைவது ஏன்?
இன்றைய கோலிவுட் திரையுலகில் இளையதலைமுறை நடிகர்கள் அனைவரும் ஒரே குழுவாகவும் ஒற்றுமையாகவும் இருந்து வருகின்றனர். குறிப்பாக சூர்யா, விஷால், ஆர்யா, கார்த்தி ஆகியோர் நெருங்கிய நண்பர்களாக இருந்து வரும் நிலையில் தற்போது இவர்கள் நால்வரும் ஒரு நிகழ்ச்சியில் ஒன்று சேர்கின்றனர். அதுதான் ஆர்யா நடித்த ‘கடம்பன்’ படத்தின் ஃபர்ஸ்ட்லுக் மற்றும் டீசர் ரிலீஸ் விழா
ஆர்யா, கேதரின் தெரசா நடிப்பில் ‘மஞ்சப்பை’ ராகவன் இயக்கியுள்ள கடம்பன்’ படத்தின் ஃபர்ஸ்ட்லுக் மற்றும் டீசர் அக்டோபர் 31ஆம் தேதி வெளியாகவுள்ளது இந்த டீசரை ஆர்யாவுக்காக சூர்யா, விஷால் மற்றும் கார்த்தி ஆகிய மூவரும் இணைந்து வெளியிடுகின்றனர்.
யுவன்ஷங்கர் ராஜா இசையமைத்துள்ள இந்த படத்தின் படப்பிடிப்பு இறுதிக்கட்டத்தில் உள்ளதாகவும் அடுத்த ஆண்டு ஜனவரி அல்லது பிப்ரவரியில் இந்த படம் வெளியாகும் என்றும் எதிர்பார்க்கப்படுகிறது.
