சமந்தாவால் எதிரிகளான ஆர்யா-விஷால்
தமிழ் திரையுலகில் விஷாலும் ஆர்யாவும் நெருங்கிய நண்பர்கள் என்பது அனைவரும் அறிந்ததே. ஆனால் இவர்கள் இருவரும் திடீரென எதிரிகளாக மாறிவிட்டதாகவும், இதற்கு சமந்தாதான் காரணம் என்றும் கூறப்படுகிறது.
‘கத்திச்சண்டை’ மற்றும் ‘துப்பறிவாளன்’ படத்தை அடுத்து விஷால் அறிமுக இயக்குனர் மித்ரன் இயக்கத்தில் ஒரு படத்தில் நடிக்கவுள்ளார். இந்த படத்தில் நாயகியாக சமந்தா நடிக்க ஒப்பந்தமாகியுள்ளார்.
இந்த படத்தில் விஷாலுடன் ஆர்யா முக்கிய வேடத்தில் நடிக்கவுள்ளதாகவும், சமந்தாவை காதலிப்பதில் இருவரும் போட்டி ஏற்பட்டதால் இருவரும் எதிரிகளாக மாறிவிடுவது போன்றும் கதை உள்ளதாக கூறப்படுகிறது.
‘இரும்புத்திரை’ என்ற டைட்டில் வைக்கப்பட்டுள்ள இந்த படத்திற்கு யுவன்ஷங்கர் ராஜா இசையமைக்கவுள்ளர்.
