உதவி வேளாண்மை அலுவலர் பதவிக்கான தேர்வில் நேர்காணலில் பங்கேற்போரின் தற்காலிக பட்டியலை டிஎன்பிஎஸ்சி வெளியிட்டுள்ளது. டிஎன்பிஎஸ்சி தேர்வு கட்டுப்பாட்டு அலுவலர் ஷோபனா வெளியிட்ட அறிவிப்பு: தமிழ்நாடு வேளாண்மை விரிவாக்கப் பணியில் அடங்கிய உதவி வேளாண்மை அலுவலர்(2011-12ம் ஆண்டுக்கான) பதவிக்கான எழுத்துத் தேர்வு ஏப்ரல் 18ம் தேதி நடத்தப்பட்டது.
இத்தேர்வில் 3,236 பேர் கலந்து கொண்டனர். தேர்வில் விண்ணப்பதாரர்கள் பெற்ற மதிப்பெண்கள், இடஒதுக்கீட்டு விதி மற்றும் அப்பதவிக்கான அறிவிக்கையில் வெளியிடப்பட்ட பிற விதிகளின் அடிப்படையில் நேர்காணல் தேர்விற்கு தற்காலிகமாக 795 பேர் தேர்வு செய்யப்பட்டுள்ளனர். அவர்களின் பதிவெண்கள் கொண்ட பட்டியல் தேர்வாணைய வலைதளம்(www.tnpsc.gov.in) வெளியிடப்பட்டுள்ளது.
இவர்களுக்கான நேர்காணல் தேர்வு வருகிற 2ம் தேதி 7ம் தேதி வரை சென்னை பிராட்வேயில் உள்ள டிஎன்பிஎஸ்சி தலைமை அலுவலகத்தில் நடைபெறும்.
