வணிக வளாகத்திற்குள் புகுந்த விமானம். ஆஸ்திரேலியாவில் அதிர்ச்சி சம்பவம்
ஆஸ்திரேலியாவில் உள்ள வணிக வளாகம் ஒன்றில் சிறிய ரக விமானம் ஒன்று விழுந்ததால் ஏற்பட்ட விபத்தில் இதுவரை 5 பேர் பலியாகியுள்ளதாகவும், ஒருசிலர் காயம் அடைந்துள்ளதாகவும் அதிர்ச்சி தகவல் வந்துள்ளது.
டாஸ்மானியா மற்றும் ஆஸ்திரேலியா இடையே உள்ள கிங் தீவுகளை சுற்றிப் பார்க்க ஐந்து பேர் ஒரு சிறு ரக விமானத்தில் எஸ்ஸன்டன் விமான நிலையத்தில் இருந்து கிளம்பினர்.
இந்த விமானம் கிளம்பிய சில நிமிடங்களிலேயே கட்டுப்பாட்டை இழந்து வணிக வளாகம் ஒன்றுக்குள் பாய்ந்தது. இதில் பெரும் தீ விபத்து ஏற்பட்டது. அத்துடன், புகை மூட்டமும் சூழ்ந்ததால், பொதுமக்கள் பீதியடைந்தனர். இந்த விபத்தில் 5 சுற்றுலா பயணிகளும் சம்பவ இடத்திலேயே உயிரிழந்ததாக கூறப்படுகிறது. அ
மேலும் விபத்து நடந்த நேரத்தில் வணிக வளாகத்தில் பலர் இருந்ததால் வணிக வளாகத்திற்குள் இருந்த ஆட்களின் கதி என்னவென்று தெரியவில்லை. இதனால், இந்த விபத்தில் உயிரிழந்தோர் எண்ணிக்கை எதிர்பார்த்ததைவிட அதிகமாகவே இருக்கும் என அஞ்சப்படுகிறது.
தற்போதைய நிலையில், தீ அணைக்கப்பட்டு, பாதுகாப்புப் படையினர் முழுவீச்சில் மீட்புப் பணிகளை மேற்கொண்டுள்ளனர்.
