விஜய்யின் விவசாயிகள் பேச்சு குறித்து அய்யாக்கண்ணு கூறியது என்ன?
இளையதளபதி விஜய் சமீபத்தில் நடந்த ஒரு திரைப்பட விருது வழங்கும் விழாவில் நாடு வல்லரசு ஆவதைவிட நல்லரசாக இருக்க வேண்டும் என்றும், இந்த அரசு விவசாயிகளின் தேவைகளை பூர்த்தி செய்ய வேண்டும் என்றும் பேசினார்.
விஜய்யின் இந்த பேச்சுக்கு சமூக வலைத்தள பயனாளிகள் பெரும் வரவேற்பு கொடுத்தனர். ஜல்லிக்கட்டு, ரூபாய் நோட்டு இழப்பு மற்றும் விவசாயிகள் ஆகிய பிரச்சனைகளுக்கு தைரியமாக குரல் கொடுத்து வரும் அவருக்கு வாழ்த்துக்கள் குவிந்து கொண்டு வருகிறது.
இந்த நிலையில் விவசாயிகளுக்காக பல்வேறு நூதன போராட்டங்களை தலைமையேற்று நடத்தி வரும் அய்யாக்கண்ணு விஜய்யின் பேச்சுகுறித்து குறிப்பிட்டபோது, ‘நடிகர் விஜய் கூறியது உண்மைதான். அதை வரவேற்கிறோம். விஜய் போலவே திரையுலகினர் அனைவரும் எங்களுக்கு ஆதரவு தர வேண்டும். அதுமட்டுமின்றி மாணவர்கள், இளைஞர்கள், பொதுமக்களும் எங்களுக்கு ஆதரவு தரவேண்டும் என்று அய்யாக்கண்ணு மேலும் கூறினார்,.
