பாகுபலி ரிலீஸ் தேதி அதிகாரபூர்வ அறிவிப்பு
இந்தியாவின் மிகப்பெரிய பட்ஜெட் படமான ‘பாகுபலி’ கடந்த ஆண்டு வெளியாகி ரூ.600 கோடிக்கும் மேல் வசூல் செய்து சாதனை புரிந்தது. ‘எந்திரன்’ படத்தின் வசூல் சாதனையை முறியடித்த தென்னிந்திய படம் என்ற பெருமையை பெற்ற இந்த படத்தின் இரண்டாம் பாகமான ‘பாகுபலி 2’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது.
முதல் பாகத்தில் நடித்த பிரபாஸ், ராணா, அனுஷ்கா, தமன்னா, ரம்யாகிருஷ்ணன், சத்யராஜ் உள்பட பலர் நடித்துள்ள ‘பாகுபலி 2’ படம் வரும் 2017ஆம் ஆண்டு ஏப்ரல் 14ஆம் தேதி தமிழ்ப்புத்தாண்டு தினத்தில் வெளியாகும் என்று அதிகாரபூர்வமாக அறிவிக்கப்பட்டுள்ளது.
பாகுபலி படத்தின் VFX டீமான ரெட் சில்லீஸ் நிறுவனத்தின் சித்தார்த் தனது ஃபேஸ்புக்கில் இந்த அறிவிப்பை வெளியிட்டுள்ளார். பாகுபலியை கட்டப்பா ஏன் கொன்றார் என்பதை அறிய இன்னும் ஒரு வருசம் காத்திருக்க வேண்டுமா? என்று ரசிகர்கள் பலர் டுவிட்டரில் கமெண்ட் பதிவு செய்துள்ளனர்
