பெங்களூரு வெற்றி: ஐதராபாத்தை வீழ்த்தி பிளே ஆப் சுற்றுக்கு வாய்ப்பு
ஐபிஎல் கிரிக்கெட் போட்டி தொடரின் நேற்றைய போட்டியில் பெங்களூரு அணி ஐதராபாத் அணியை 14 ரன்கள் வித்தியாசத்தில் வெற்றி பெற்று பிளே ஆப் சுற்றுக்கு செல்லும் வாய்ப்பை பெற்த்றுள்ளது.
நேற்றை போட்டியில் டாஸ் வென்று ஐதராபாத் முதலில் பீல்டிங் செய்ய முடிவு செய்ததால் பெங்களூரு அணி முதலில் பேட்டிங் செய்தது. இந்த அணி 20 ஓவர்களில் 6 விக்கெட்டுக்களை இழந்து 218 ரன்கள் குவித்தது. டிவில்லியர்ஸ் 69 ரன்களும், எம்.எம்.அலி 65 ரன்களும் எடுத்தனர்.
இந்த நிலையில் 219 என்ற கடின இலக்கை நோக்கி விரட்டிய ஐதரபாத் அணி 20 ஓவர்களில் 3 விக்கெட்டுக்களை இழந்து 204 ரன்கள் மட்டும் எடுத்ததால் பெங்களூரு அணி 14 ரன்கள் வித்தியாசத்தில் வெற்றி பெற்றது.
இந்த அணி இதுவரை 13 போட்டிகளில் விளையாடி 6 வெற்றிகள் 7 தோல்வி என்ற கணக்கில் 12 புள்ளிகளுடன் 5வது இடத்தில் உள்ளது. இன்னும் ஒரு போட்டியில் நல்ல ரன்ரேட்டில் வெற்றி பெற்றால் பெங்களூரு அணி அடுத்த சுற்றுக்கு செல்வது உறுதி என்பது குறிப்பிடத்தக்கது.
ஆட்டநாயகன் விருதை டிவில்லியர்ஸ் தட்டி சென்றார்.
